SUBVENCIÓNS PARA PROXECTOS DE INVESTIMENTO EN ACTIVIDADES NON AGRÍCOLAS

enero 27, 2022

OBXETO:

Adquirir maquinaria e equipamento co fin de mellorar, ampliar e/ou modernizar as empresas existentes que desenvolvan actividades non agrícolas en zonas rurais.

BENEFICIARIOS:

Autónomos, microempresas e pequenas empresas situadas en zonas rurais de Galicia e constittuídas con anterioridade ao 1 de setembro de 2021.

Non poden ser beneficiarios empresas que operen no sector da pesca e acuicultura

REQUISITOS:

Non estar iniciados na data de presentación da solicitude de axuda. Para estes efectos, considerarase como inicio do investimento o comenzó dos traballos de construcción ou ben o primeiro compromiso en firme para o pedido dos equipamentos ou outro compromiso que faga o investimento irreversible e que vincule xuridicamente ao solicitante, se esta data é anterior.
Desenvolverse no territorio de Galicia.
No caso de proxectos de adquisición de maquinaria e equipamento en actividades non agrícolas, o investimento proxectado deberá mellorar o rendemento global da empresa solicitante (aumentar a competitividade da empresa, reducir os custos, reducir o impacto ambiental, implantar novos productos, procesos ou tecnoloxías, ….)
Quedarán excluidos aqueles proxectos que presenten un orzamento elixible inferior a 10.000 euros e/ou superior a 20.000 euros)

PROXECTOS SUBVENCIONABLES:

Adquisición de maquinaria e equipamento, deben ser NOVOS.
Prestación de servizos en calquer sector económico
Actividades de ocio, recreativas e deportivas.
Artesanía e actividades artesanais.
Actividades baseadas na innovación tecnolóxica e no comercio electrónico.
Actividaes nos sectores da enxeñería, arquitectura, servizos técnicos, limpeza industrial.

NON SERÁN SUBVENCIONABLES:

a) Material funxible en xeral.
b) Envases e embalaxes, mesmo cando sexan reutilizables.
c) A reposición ou simple substitución de equipamento e maquinaria, salvo que a nova adquisición corresponda a equipamentos ou maquinaria distintos dos anteriores, ben pola tecnoloxía utilizada ou polo seu rendemento ou eficiencia ambiental, que deberá xustificarse na memoria-resumo do proxecto.
d) Equipamentos de calefacción, climatización e ventilación, así como as instalacións que comporten.
e) Traídas e acometidas de servizos.
f) Adquisición de maquinaria, equipamento e materiais de segunda man.
g) Adquisición de maquinaria e equipamento destinada ao alugamento.
h) Equipamentos informáticos de oficina e licenzas informáticas en sistemas operativos e aplicacións de ofimática.
i) Deseño e/ou actualización de páxinas web.
j) Compra de vehículos de transporte exterior, de vehículos especiais agrícolas e de obras, e a súa adecuación.
k) Mobiliario, instalacións, útiles e ferramentas.
l) Investimentos non axustados no seu dimensionamento e capacidade ás actividades que vai desenvolver a empresa a curto prazo, ou ben dun importe unitario superior ao básico do mercado para unidades ou elementos de igual capacidade.
m) Investimentos non relacionados directamente coas actividades desenvolvidas polo solicitante.
n) Os gastos de aluguer de instalacións e equipamentos, nin os investimentos financiados mediante arrendamento financeiro (leasing).
o) A man de obra propia e os materiais de igual procedencia.
p) A adquisición de terreos.
q) As taxas por licenzas administrativas.
r) O imposto de valor engadido (IVE) e calquera outro imposto, agás que non sexa recuperable pola persoa beneficiaria.
s) Os gastos financeiros producidos como consecuencia do investimento.
t) Os xuros debedores.
u) Os conceptos do orzamento sen desagregar tales como “outros” ou partidas a tanto global.
v) Os investimentos realizados con carácter previo á presentación da solicitude da axuda, con excepción dos custos xerais vinculados ao investimento.

CUANTÍA:

A axuda será do 45 % dos gastos subvencionables.

PRAZO:

O prazo de presentación de solicitude remata o 25/02/2022.

O prazo límite para executar e xustificar os investimentos correspondentes será ata o 30/09/2022.

GESTORIA LARIÑO ARES

628 878 872 // 981 74 58 98